متستهترش
ب سكوتى
ورنة دمعتى ع الارض
ولسعة روحى
من صوتك
يجلجل فتلاقينى اتخض
ونومى
ف حضن هجرانك
وبردو سعيد فانام بالعرض
وبتفرج
على سهدى
واحلامى بيضربوا بعض
....
متستهترش
بغيابك
وتفتكره مرار عدى
بشوف الناس
والاغيهم
وبردو بحس بالوحده
عيونى تشوف
ايدين شابكه
بتدعى يارب ادوق من دا
بتظهر
زى ضى وميض
كأنك هجمه مرتده
........
متستهترش
بغنايا
على لحن الالم أنه
وفرحى اللى
ناوى يرحل
واحايله لاجل يتأنى
فاغنى له
غناوى فرح
واحكى له عن الجنه
وكل ما غنوتى
تطول
بيتصعب ويستنى
ليست هناك تعليقات:
إرسال تعليق