لغوصى ف القلب
اللى يحبك
وانكشى فى سمارى
وتفكيرى
وارفعى اشوقى
ف نور حضنك
وافردى جناحات
سهرى وطيرى
ستفى مواويلى
اللى ف بعدك
سكنت
ف هدومى
وف سريرى
اكتبى الغاز حيرتى
ف عشقك دندنى
اشعارى وتعبيرى
واندهى على عمرى
المحسوب لك
واضحكى على حججى
وتبريرى
وادفنى احلامى
ف طين سحرك
وافرحى بشبابك
مع غيرى
واخلعى براويزى
من صورك وانكتى
اوهامك
ف مصيرى يا مصر
انا مبدور على ارضك
وحياتى خطاكى
وهتسيرى
ليست هناك تعليقات:
إرسال تعليق